لوحة الفنان

موضوع: لوحة الفنان الأربعاء أغسطس 15, 2007 3:57 am

يالوحـة الفنـان كـلـه تعابـيـر

تحكـي جمـال ياحبيبـي طبيعـي

فيها الجبل والمي والورد والطيـر

رفرف به القمري 00 غنّى سجيعي

قوسٍ سحر فكري على غير تبرير

فيٍّ وضـيٍّ فـي جمـالٍ ربيعـي

الـوان طيفـه مكتسـي بالنواويـر

تخربط بعـدّك اذا انـك سريعـي

فيها الفرح والزين والحب والخيـر

بالمختصر جنّـه وشانـه رفيعـي

ابنتقدها 00 قمـت اعـدّ التقاريـر

جبت الخبير اللـي مجالـه بديعـي

فكّـر وقلّـب بالحيـل والتدابيـر

لقـى لـه عيـبٍ مستكـنٍّ نقيعـي

عيبه جنوني مايعـرف المحاذيـر

سحرٍ يخلّي شيخ ربعـه وضيعـي

لوهي مـزاد الكـون والله فلاتبيـر

يدفع به التاجـر حـلالٍ فضيعـي

انشهد انه ماغـدت لـه مخاسيـر

مااظـن منهـو يشتريهـا يبيعـي

لوهي خبر تلقى عنايـة وتصويـر

تبهـر مصـوّر حلقتـه والمذيعـي

هي في حياتي مصدر الحب واكسير

للسرمديـه والخيـال الوسيـعـي

فيها سحر يوسف00 غنج الغناديـر

مايشبق عروقـه خطـاة الفنيعـي

جدّ صميدع ماضـيٍ لـه مشاويـر

كنه على النومـاس صقـرٍ بتيعـي

ينطح جموع الخيل كلـه مغاويـر

يتلنـه الشوبـاش مثـل الدريعـي

ابوها شيخٍ له علـى الكـل تقديـر

ماينعكف خشمـه ولاحـب شيعـي

ماتسكـن الا نايفـاتٍ مقاصـيـر

اصغر خدمها لجل عينـه مطيعـي

ملبوسـه الغالّـي مالـه ازاريـر

ضافي على جسمه مفصّل جميعـي

ياليت منهو بهّـر العشـق تبهيـر

خلى مذاق الحـب بافمـه لذيعـي

ودي اسيطر وامتلـك كـل تفكيـر

يبقى شعوري بالخفايـا ضجيعـي

هذي الامانـي مالهـا أي تفسيـر

ياكـود ابلقـى للحنايـا شفيـعـي

موضوع: رد: لوحة الفنان الخميس أغسطس 16, 2007 3:11 pm

شكرالك على الموضوع الرائع

ألف شكرا لك الموضوع الرائع
نحن ننتظر مواضيعك بفارغ الصبر
جزاك الله خيرا على مواضيعك المفيدة
واصل تألقك معنا في منتدانا الرائع ستار تايمز 3
بارك الله فيك ولا تحرمنا من جديدك
تــــــــــــــــــــــــــــــابع
تحيــــــــــــــــــــــــــاتي