هدا واحد فضولي ديما يدخل فيما لا يعنيه واحد النهار لقى ناس مجمعين على حادتة سير
او بغى يعرف اش كاين او هو يقلهم انا خو الضحية او هو يلقى حمار ميت
هدا واحد طبيب اشرى بتيخة او مين فتحها صابها حمرا كتبلها دواء.
هدا واحد الراجل اشترى سمكة كبيرة.
الزوجة: آخ...الحوتة خانزة...
الزوج: علاه أنت عايمة فحالها
هدا واحد آنفجر في وسط سوق خميس الزمامرة...آشنو الإرهاب، لقاوه واكل صندوق ديال الكرموس الهندي.
أوربا سمحوا للمغاربة بالهجرة بدون فيزا. المغاربة كلهم يستعدوا للهجرة. الملك هو يخطب عليهم وقال: آخر شخص يخرج من المغرب يطفي معاه الضو.
عثر في المغرب على جمجمة إنسان قديم، فحصها كوميسير ديال البصري، فقال أن عمرها مليون سنة (كرات)أقرت بعمرها بفعل التعديب.
هدا واحد الراجل مخاصم لا يتكلم مع الزوجة ديالو. كتب ليها: غدا فيقيني مع 6 صباحا...لكن ما فاق حتى 12 ...وهو يلقاها كتبا ليه : فيق راه 6 صباحا
الصحفي : ماهو السبب المباشر في ضعف الاقتصاد المغربي.
ولعلو و اليازغي : إدريس البصري.
الصحفي : ماهو السبب الغير المباشر في ضعف الاقتصاد المغربي.
ولعلو و اليازغي : البصري إدريس.
وزير التشغيل كان حاضر في برنامج تلفزيوني، واحد المواطن شمور. إتصل بالهاتف وأهدى للوزير أغنية : خليت ليك الله يا الظالم لنجاة أعتابو
هدا واحد أحول...... تسجل في الجيش ...... حطوه في قسم القصف العشوائي.
هذا واحد الطفيلي، دائما يتدخل فيما لا يعنيه، واحد النهار لقى الناس مجمعين على حادثة سير، وهو يقول ليهم خلوني ندخل أنا أخ الضحية، ملي دخل، لقى حمار ميت.
هدا واحد المجرم خرج من الحبس، المحلات ديال الدرب كلهم سدوا، ماعدا محماد الشلح، وقف عليه المجرم، وقال ليه: اعطيني ساندويش، محماد الشلح خايف، نسى غلاقة ديال المونادا وسط ساندويش،المجرم قال ليه: ناري محماد اليوم ندبحك، محماد الشلح خايف جاوبو: ياه لقيتي غلاقة ديال المونادا ، وربحتي ثلاجة...
هدا واحد المقدم، مشى يخطب واحد البنت، سولوه: شحال كتخلص في الشهر، قال: أنا والقايد تنربحو 100 ألف ريال في الشهر
هدا واحد مات مقوس، الناس معرفوش كيف يدفنوه، واحد السكيري قال ليهم دفنوه في الدورة ديال راس الدرب.
هدي واحد المراة كتشك في راجلها، واحد اليوم لقات شعرة شهبة ،قالت ليه : شكون هاد الشهبةاللي كنتي معاها، واحد اليوم لقات شعرة حرشة ،قالت ليه:شكون هاد العزوة اللي كنتي معاها،واحد اليوم ملقات حتى شعرة ،قالت ليه : شكون هاد القرعةاللي كنتي معاها....
هدا واحد سكران، خارج تيسب في شخص الملك، وأمه تبعاه من الخلف، وتقول ، لأ راه تيقصد الملك ديال إسبانيا...
هدا واحدمول الطاكسي، صباطو خانز، سولو الكليان ديالو، شحال من حصان في الموطور ديال الطاكسي، قال ليه: عشرة ديال الخيل، جاوبوالكليان : يمكن مات ليك شي واحد منهم.
هدا واحد بغا يمشي للحج ، خلى لاكارت ناسيونال لقبيلتو وقال ليهم : والجماعة إلا وقعات شي حاجة أنا راني شاهد
هدا واحد الجبلي مشى أول مرة للبحر ، لقى المد، ثاني مرة، لقى الجزر، دار عند صاحبو، وقال ليه: لي ميتر ناجور باعووشراو
هدا واحد العروبي سافر في الطيارة، قال للبيلوط؛ سير قبلة باغي نصلي، لكن رفض ليه، وهو يقوليه؛ يالاه وقف بنا في احد السوالم، بغي نشوي القضبان و نتوضى
هدا واحد البخيل ملبس الدجاج ديالو، سليبات باش ميبيضش عند الجيران
هذا واحد العروبي بغا يزوج ولدو، ولكن ولدو مابغاش، الله يهديك تزوج، لا والو يا با، فأجابه أبوه صارخا: شوف إلا مبغيتيش تتزوج، فرق عليك لبهايم عفاك، راه شركة سنطرال ليتيير كيتشكاو من الحليب .
اتمنى ان تعجبكم.............ولكن لا تنسو الردود 
موضوع: نكت مغربية /90 تههههههههههههههههههههههه 
الأحد أغسطس 05, 2007 6:13 am