اخر نداء راح اقوله ليكي صدقيني
عاشق انا والقلب ليكي لا تبعيني
بعمري كله اشتريتك تعالي مره اشتريني
بعت الكتير كان اشتروني
قبل عينك ماتلاقيني
لاحاقول بحبك ولابريدك
الامانتي ما تناديني
لوناديتي راح افوت بلادي واندهك
بس لازم تندهي من قبل غيري مايندهك
حسه الكلام سمعه الندا وبتجهليني
نار الكلام صرخة وداد شفتيه فعيني
فهمه وعارفه باللي فيا من عذاب
وكتير جرحتي وانحرق فيا الشباب
والقلب داب وانطوي زي السراب
اخر نداء راح اقوله ليكي صدقيني
عاشق انا والقلب ليكي لاتبعيني
بلاش تدوسي ع القمر لويكتمل
راح تندمي لو تطفي يوم شمعة امل
مش كل يوم واي يوم حتقيدي شمعه
ح تشوفي نور شمعه تقيد حتشوفي دمعه
كل الشموع راح يجي يوم وح تنتهي
حتي الزهور يجي خريفها بتنطفي
اخر نداء راح اقوله ليكي صدقيني
عابد انا والقلب ليكي لا تبعيني
حسه بودي بس ليه بتنكريه
بس الكلام هوده اللي تقدريه
الود ودي مش رخيص زي الكلام
الود قلبي راح يعيش زي الحمام
انا مش رخيص علشان اكون كبش الفدا
يااكون انا اولااكون وافهمي مني الندا
في السما نجوم كتيره بتنطفي مانحس بيها
ولوانطفي نور القمر كل النجوم دي مانلاقيها
عاشق انا قلب القمر ميهمنيش يكون بنور
اصل الجمال مش في الشبهل لا في البذور
اخر نداء راح اقوله ليكي صدقيني
عاشق انا والقلب ليكي لاتبعيني
انتي امل قلب الامل ماتحجبيش عني الضيا
قبلك بكون بعدك هاكون الحياه مش للفنا
لو كنتي عيزه تبعدي عني ابعدي بس رجايا
تحوشي طيفك فين ماروح يجي ورايا
اخر نداء راح اقوله ليكي صدفيني
عاشق انا والقلب ليكي لاتبعيني
موضوع: أخر نداء 
الأحد ديسمبر 26, 2010 6:55 pm
